Elorda turǵyndary profılaktıkalyq tekserýden ótti
ASTANA. QazAqparat - Elordalyq dárigerler «Shapaǵat» kommýnaldyq bazarynda «25 izgi is» aktsııasy aıasynda turǵyndardy profılaktıkalyq tekserýden ótkizdi.
Qala ákimdiginiń saıtynda, shara barysynda mamandar keńes berip, ekspress-dıagnostıka jasady. Terapevt, onkolog, okýlıst, LOR-dáriger, gınekolog, ÝDZ-mamany jáne ftızıatr naýqastardy tegin qarady. Jalpy, 397 adam dárigerlerdiń qabyldaýynda bolǵan.
Bazar qyzmetkerleri men jergilikti turǵyndar qandaǵy qant pen holesterın mólsherin anyqtaý úshin ekspress-dıagnostıkadan ótip, konsýltatıvtik-dıagnostıkalyq qyzmetter aldy, flıýorografııalyq tekserýden ótti.
Salaýatty ómir saltyn qalyptastyrý jáne áleýmettik mańyzdy aýrýlardyń aldyn alý máseleleri boıynsha halyqtyń densaýlyǵyn kúsheıtý jáne saqtaý problemasyna nazar aýdarý maqsatynda tekserýge qatysýshylarǵa onkologııalyq aýrýlardyń, týberkýlezdiń, qan-aınalymy júıeleri aýrýlarynyń, nashaqorlyq pen alkogolızmniń aldyn alý boıynsha aqparattyq-bilim berý materıaldary da taratyldy.
