Elorda turǵyndary «Óz aǵashyńdy otyrǵyz» chellendjin bastady

Jylyna 1 aǵash aýany 27 keli las zattan tazartady. «Birge taza Qazaqstan» ekologııalyq aılyǵy aıasynda elorda turǵyndary tazalyq pen densaýlyqqa qamqorlyq jasaı otyryp, «Óz aǵashyńdy otyrǵyz» chellendjin bastady.

Jylyna 1 gektar japyraqty aǵash 100 tonnaǵa deıin shań jınaıdy. Osyny kózdegen elorda turǵyndary «aǵash otyrǵyz» chellendjin qolǵa aldy, olarǵa qalalyq qyzmet kórsetý uıymdary - PIK jáne MIB-ler belsendi qoldaý kórsetti.

Qala túrǵyndary kóshet satyp alyp, aýlasyna, úıiniń janyna otyrǵyzady.

Eske sala keteıik, elordanyń barlyq aýdanynda «Birge taza Qazaqstan» ekologııalyq aılyǵy ótip jatyr. Ákimdik óz tarapynan Memleket basshysynyń tapsyrmasy boıynsha saıabaq aýmaqtaryn, turǵyn úı alaptary men aýlalardy ǵana emes, qalanyń kórikti jerlerin de jappaı kógaldandyrady. Qalany jappaı kógaldandyrý ekologııany jaqsartyp qana qoımaı, qala turǵyndary serýendeıtin oryn qurýǵa, sonymen qatar qalanyń klımattyq jaǵdaıyn jaqsartýǵa múmkindik beredi.