Elorda turǵyndary kebek, un jáne nandy arzandatylǵan baǵamen ala alady
ASTANA. 24 qańtar. QazAqparat - Astana qalasy ákimdigi men qalanyń astyq óńdeý kásiporyndary arasynda birinshi surypty unnan qalypta pisiriletin nan men birinshi sortty un jáne kebek baǵasyn turaqtandyrý sharalary týraly memorandýmǵa qol qoıyldy.
Elordanyń resmı saıtynyń jazýynsha, osyǵan baılanysty elorda turǵyndary atalǵan ónimderdi arzan baǵamen memorandýmǵa qol qoıǵan birqatar mekemelerden satyp ala alady, dep habarlaıdy qalalyq Aýyl sharýashylyǵy basqarmasynan.
Myna tómendegi uıymdar memlekettik qordan azyq-túliktik bıdaıdy bekitilgen baǵada tonnasyn 28000 teńgeden bóldi:
«Kontsern Tsesna-Astyq» AQ: Astana q, Aqjol k-si, 24 j.tel.700-504; «Synergy Cargo» JShS: Astana q, Respýblıka dańǵyly, 64/5, j.tel.310-449;
«Energosnab» JShS: Astana q, Promyshlennyı kenti, Promzona 101/8, r.tel. 490-293;
«Capital Trade House» JShS: óndiristik baza Shortandy aýdanynyń, Naýchnyı kentinde, Kýzmın k-si, 1 úı, j.tel.8(71631) 23389;
«Tabys 2009» JShS: Astana q, Jańajol k-si, 3/3, j.tel. 531-253;
«Qalqaman Astyq» JShS: Astana q, Sholohov k-si, 15-a, j.tel.531-773.
Qaladaǵy astyq óńdeý kásiporyndarynyń osy kórsetilgen meken-jaıy boıynsha kebektiń kılogramyn 15 teńgeden satyp alýǵa bolady.
Astana.kz saıtynda buǵan deıin habarlanǵanyndaı, 2013 jyldyń 1 qańtaryndaǵy málimet boıynsha Astana qalasynyń astyq naryǵyna qatysýshylarda azyq-túlik qajettiligine arnalǵan 126 884 tonna astyq boldy. Negizgi astyq daqyly jalpy qordyń 99,5%-yn quraıtyn bıdaı bolyp tabylady.
