Elorda turǵyndary Elbasy Joldaýyn talqylady
ASTANA. Aqpannyń 25-i. QazAqparat /Marlan Jıembaı/ - Búgin elordadaǵy Táýelsizdik saraıynda bas qosqan Astana jurtshylyǵy ókilderi aǵymdaǵy jyly jarııalanǵan Memleket basshysynyń «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty Joldaýyn túsindirý maqsatynda qurylǵan respýblıkalyq aqparattyq-nasıhattaýshy toppen kezdesti.
Elbasynyń Qazaqstan halqyna Joldaýy el azamattarynyń barlyǵy úshin asa mańyzy ekendigin atap ótken Astana qalalyq máslıhatynyń depýtaty Vladımır Redkokashın «Nursultan Ábishulynyń jyl saıynǵy Joldaýy el ómiri úshin asa mańyzdy saıası oqıǵaǵa aınalyp keledi. Aǵymdaǵy jylǵy Joldaýdyń da mańyzy asa zor, onda Memleket basshysy daǵdarystan keıingi kezeńdegi naqty tapsyrmalardy alǵa qoıyp otyr», dedi.
Joldaýdy túsindirý maqsatynda qurylǵan respýblıkalyq aqparattyq-nasıhat tobynyń quarmyna elimizdiń Syrtqy ister mınıstrligi, Indýstrııa jáne saýda mınıstrligi, Densaýlyq saqtaý mınıstrligi jáne Bilim jáne ǵylym mınıstrliginiń ókilderi kirgen. Olar aqpannyń 23-i men 25-i aralyǵynda elorda turǵyndaryna Joldaýdyń negizgi tezısterin túsindirýmen aınalysty. 5000-nan astam adamdy qamtyǵan túsindirý jumystarynyń búgingi qorytyndysyna da 400 Astana turǵyny qatysty.
Kezdesý barysynda Joldaýdy árbir qazaqstandyqtyń jete túsinip, ony biraýyzdan qoldaǵan kezde ǵana tabysty iske asyrylatyndyǵy atap ótildi. QR Prezıdentiniń bıylǵy Joldaýy árbir Qazaqstan azamatynyń ál-aýqatynyń jaqsarýyna jańa maqsattar men múmkindikter ashyp otyr.
