Elorda turǵyndary demalys kúnderi KVI-ǵa qarsy belsendi vaktsınatsııalanýda
NUR-SULTAN. QazAqparat - Elordada koronavırýsqa qarsy 100-den astam egý pýnkti ashyldy. Olardyń arasynda iri saýda-oıyn-saýyq ortalyqtary men MSAK mekemeleri bar. Elordalyq «Kerýen» SOO-da egý pýnkti ashylǵan kúnnen bastap KVI-ǵa qarsy vaktsınany 120 adam aldy, dep habarlaıdy QazAqparat qala ákimdiginiń resmı saıtyna silteme jasap.
Demalys kúnderi qala turǵyndary qaýipti vırýsqa qarsy belsendi vaktsınatsııalanýda.
«Elordada 100-ge jýyq egý pýnkti jumys isteıdi. Sondaı-aq, demalys kúnderi jurtqa vaktsına alý yńǵaıly bolýy úshin elordanyń «Kerýen« sııaqty iri saýda ortalyqtarynda egý pýnktterin ashtyq. Bizdiń basty mindetimiz – elordalyqtardy vaktsınatsııalaý úshin barynsha jaǵdaı jasaý. Sonymen qatar, «Mega Silk Way«, «Abý Dabı Plaza«, «Han Shatyr« SOO-larynda egý pýnktteri ashylǵanyn bilesizder. Sol sııaqty kelesi aptada qosymsha egý pýnktterin ashamyz. Bul jumystyń bári mindetti túrde epıdemıologtardyń kelisimimen ashylady. Munda vaktsınatsııalaýǵa ruqsat etilgen elordalyq emhanalardyń dárigerleri jumys isteıdi. «Kerýen« SOO-da №9 qalalyq emhananyń 12 medıtsına qyzmetkeri ekpe jasaıdy», — dedi Nur-Sultan qalasy Qoǵamdyq densaýlyq saqtaý basqarmasynyń basshysy Tımýr Muratov.
Onyń aıtýynsha, «Kerýen» SOO-daǵy egý pýnktiniń qýattylyǵy shamamen 250-300 adamdy vaktsınatsııalaýǵa múmkindik beredi. Pýnkt ashylǵan kúni 85 adam vaktsına aldy. Al eki kúnde 120 adam egildi. Aıta keteıik, elordada ujymdyq ımmýnıtetti damytý úshin 600 myńǵa jýyq adamdy vaktsınatsııalaý josparlanýda.
«Biz elorda turǵyny ma, joq pa, oǵan qaramastan nıet bildirgenderdiń bárine vaktsına jasaımyz. Tek respýblıkada turaqty turmaıtyn sheteldikterdi ǵana vaktsınatsııalamaımyz. Vaktsınanyń jetispeýshiligi bizde bolmaıdy dep oılaımyn. Sebebi jetkizýdiń naqty kestesi bar», — dedi Muratov.
«Kerýen» SOO-nyń egý pýnktine elordalyq mádenıet jáne óner qaıratkerleri de keldi.
«Búgin koronavırýsqa qarsy vaktsınanyń alǵashqy dozasyn aldym. Ózimdi óte jaqsy sezinemin. Vaktsınatsııa protsesi tez ótti, kóp kútýge týra kelmedi, bári jaqsy uıymdastyrylǵan. Otandastarymdy ujymdyq ımmýnıtetti qalyptastyrý úshin vaktsınatsııaǵa qabyldaýǵa shaqyramyn», — dedi «Kerýen» SOO dırektorynyń ákimshilik-sharýashylyq máseleleri jónindegi orynbasary Almas Altynbekov.
«Qazir búkil álem indetpen kúresýde. Meniń oıymsha, vaktsınatsııadan aýlaq bolý kerek. Oılana kele vaktsınatsııa qabyldaý týraly sheshim qabyldadym. Osylaısha bárimiz jaqyn arada vırýsty jeńe alamyz. Sol sebepti vaktsınadan qoryqpaýymyz kerek, kerisinshe pandemııadan tezirek shyǵýǵa yqpal etýimiz kerek», — deıdi ánshi Dos.
Aıta ketý kerek, búginde vaktsınanyń birinshi komponentin 84 myń astanalyq qabyldasa, ekinshi komponenti 12 myńnan astam adamǵa salyndy. Basqarma basshysynyń aıtýynsha, elordaǵa QazVac vaktsınasynyń 6 myń dozasy jetkizildi.
