Elorda turǵyndary arasynda júgirý men velojarystan onlaın-jarys ótedi
NUR-SULTAN. QazAqparat –10-23 qazan aralyǵynda elorda turǵyndary saıabaqtarda júgirý jáne velojarysqa shaqyrylady. Ol úshin Strava qosymshasyn paıdalaný kerek, dep habarlaıdy QazAqparat qala ákimdiginiń resmı saıtyna silteme jasap.
Qatysýshylar ózderine yńǵaıly ýaqytta jaqyn ornalasqan Nur-Sultan qalasyndaǵy kez kelgen saıabaqta erejege sáıkes qashyqtyqqa júgirip, nátıjesin jarys uıymdastyrýshylaryna jiberedi.
«Saıystar 10-23 qazan aralyǵynda saǵat 06:00-den 21:00-ge deıin (ár qatysýshyǵa yńǵaıly ýaqytta) ótedi. Qatysýǵa nıettiler usynylǵan qujattarǵa, ıaǵnı týý týraly kýálikke nemese jeke kýálikke sáıkes tirkelýi kerek», – dep atap ótti dene shynyqtyrý jáne sport basqarmasynda.
Jarys 5 km, 10 km, 15 km jáne 25 km qashyqtyqta ótedi. Qatysýshylar toptarǵa bólinedi. Barlyq suraqtar boıynsha tómendegi nómirlerge habarlasýǵa bolady.
Áýesqoılar arasynda 10 shaqyrymǵa júgirý
tel. (WhatsApp): 8 775 947 22 79
poshta: Aitbaev_Edil@mail.ru
2. Kásipqoılar arasynda 5 shaqyrymǵa júgirý (40 jas jáne odan úlkender)
Dýman, tel. WhatsAp: 8 747 619 15 55
poshta: mass.sports@mail.ru
3. 18 jastan joǵary áýesqoılar arasynda 25 shaqyrymdyq velojarys
Nurly, tel. WhatsApp: 8 771 166 03 06
poshta: Ali_nurli_loko_98@mail.ru
4. Kásipqoılar arasynda 15 shaqyrymdyq velojarys (40 jas jáne odan úlken)
Erlan, tel. WhatsApp: 8 701 909 66 77
poshta: 87770067600@mail.ru
Áýesqoılar men kásipqoılar arasyndaǵy onlaın-jarystardyń nátıjesi boıynsha jeńimpazdar anyqtalyp, olar arnaıy syılyqtar men medaldarǵa ıe bolady. Jeńimpazdarǵa marapatty elimizge belgili sportshylar, álem jáne Olımpıada chempıondary tabystaıdy.
Aıta keteıik, mundaı jarystardy jyl sońyna deıin ótkizý josparlanǵan. Úshinshi ret ótkizilgeli otyrǵan sporttyq sharaǵa buǵan deıin 1000-ǵa jýyq adam qatysty.
