Elorda turǵyndary Altaı Kólginovke 90-ǵa jýyq suraq qoıdy
NUR-SULTAN. QazAqparat - Elorda ákimi Altaı Kólginov bir aptanyń ishinde 30 otbasyn qabyldap, turǵyndardyń 90-ǵa jýyq suraǵyna jaýap berdi, dep habarlaıdy QazAqparat.
«Bir aptanyń ishinde azamattardy eki márte qabyldadym. Bul shamamen 30 otbasy, 90-ǵa jýyq suraq tústi. Suraqtardyń deni baspana, medıtsınalyq kómek, jumyspen qamtý, turǵyn alaptaryn damytý máselelerine qatysty boldy. Bizde 16 turǵyn alaby bar. Onda qalanyń ár tórtinshi turǵyny meken etip jatyr. Bıyl osy turǵyn alaptarda birqatar aýqymdy jumys atqaryldy: 100-den asa kóshege asfalt tóselip, demalys oryndaryn qurý úshin 40 qoǵamdyq keńistik pen aýla abattandyryldy (Kóktal-1, Kóktal-2, Agroqalashyq, Internatsıonalnyı, Óndiris jáne t.b.). Sonymen qatar Mıchýrınoda keń mektep ashyldy. Buryn bul turǵyn alapta birde-bir bilim oshaǵy bolmaǵan edi. Eldi mekenderde áli de mektep, medıtsınalyq mekeme, deneshynyqtyrý-saýyqtyrý keshenderin jáne taǵy basqa nysandardy salyp jatyrmyz», -dep jazdy qala ákimiInstagram akkaýntynda.
Sondaı-aq ol 13,5 shaqyrym ınjenerlik jeli, 5 shaqyrymnan asa káriz ben sý qubyry, 3 shaqyrymnan asa nóser kárizi salynǵanyn atap ótedi.
«Injenerlik jelisiz órkenıettiń bolmaı̆tyny belgili. Sodan soń jyly aıaldamalardy ornatý jáne ony jaryqtandyrý, jańa avtobýs marshrýttaryn iske qosý sııaqty máseleler taǵy bar. Prezıdenttiń tapsyrmasy boı̆ynsha keler 2021 jyly shetki aı̆maqtarǵa erekshe kóńil bólinedi. Qazir sonyń jobasy ázirlenýde. Orynbasarlaryma, aýdan ákimderine jáne basqarma basshylaryna jyl sońyna deı̆in aldyn ala qabyldaýǵa jazylǵan azamattardyń kezegin tezirek jyljytýdy tapsyrdym», - dedi Altaı Kólginov.
