Elorda turǵynyn temeki bermegeni úshin pyshaqtap tastaǵan
ASTANA. KAZINFORM — Buzaqy 9 jylǵa bas bostandyǵynan aıyryldy. Bul týraly Astana qalasynyń prokýratýrasynan habarlandy.
Aqparatta aıtylǵandaı, oqıǵa túngi klýbta bolǵan.
«Kináli mas kúıinde jábirlenýshiden temeki suraǵan, bas tartqan soń, onyń ómirlik mańyzdy organdaryna pyshaqpen kóptegen dene jaraqatyn salǵan. Jábirlenýshiniń densaýlyǵyna aýyr zııan keldi», — delingen habarlamada.
Jábirlenýshi jedel medıtsınalyq kómektiń arqasynda aman qalǵan.
«Sottalýshy kinásin moıyndamaǵanyna qaramastan memlekettik aıyptaýshy sotta onyń kinásin tolyq dáleldedi. Quqyq buzýshy 9 jylǵa bas bostandyǵynan aıyryldy», — deıdi elorda prokýratýrasynan.
Úkim zańdy kúshine endi.
Prokýratýra kez kelgen janjaldyń saldary tek ákimshilik emes, qylmystyq jaýapkershilikke de ákeletinin eskertedi.