Elorda turǵyny áıelin pyshaqtap, ózi 25-qabattan sekirip ketti

ASTANA. KAZINFORM – Elordada otbasylyq janjaldyń arty ólimmen aıaqtaldy. Bul aqparatty qalalyq polıtsııa departamenti rastady. 

— Adam óltirý faktisi boıynsha qylmystyq is qozǵaldy. Aldyn ala málimet boıynsha, erli-zaıypty arasynda janjal týyndap, onyń barysynda kúıeýi áıelin pyshaqtaǵan. Keıin turǵyn úıdiń 25-qabatynan sekirip ketken. Er adam aýyr jaraqat alyp, aýrýhanaǵa jetkizildi, — delingen habarlamada.

Qazir qaıǵyly jaıttyń mán-jaıy anyqtalyp jatyr, tekserý amaldary bastaldy.

— Ózge aqparat Qylmystyq-protsestik kodekstiń 201-babyna sáıkes jarııalaýǵa jatpaıdy, — dep eskertedi elorda polıtsııasy.

Eske salsaq, jyl basynda Astanada jigit týystaryn pyshaqtap tastaǵan edi, saldarynan bir adam ólip, úsheýi jaralandy.