Elorda - Tuńǵysh Prezıdent-Elbasynyń tól perzenti - Eraly Nurǵalıev
«Táýelsizdik qolǵa tıgen alǵashqy jyldary Qazaqstan jurtshylyǵy az qıynshylyq kórmedi. KSRO ydyrap, 70 jyl boıy bir ortalyqtan basqarylyp kelgen eldiń keleshegi bulyńǵyr bolatyn. Mine, osyndaı qıyn kezeńde Elbasymyz Nursultan Nazarbaev - táýelsiz memlekettiń negizin qalap, onyń órkendeýine ólsheýsiz úles qosqan birtýar tulǵa, ekonomıkany qarqyndy damytý men halyqtyń ál-aýqatyn arttyrýda aıryqsha tabystarǵa qol jetkizgen kemel kóshbasshyǵa aınaldy. Ol - babalarymyzdan kele jatqan uly arman - táýelsizdigimizdi tuǵyrly etý jolyndaǵy qıyn belesterden halqyn aman alyp ótip, tarıh tórinen óz ornyn aldy. Shyndyǵynda, egemen el, táýelsiz memleket ataný, óziniń derbes astanasyn ózi tańdap, óz qolymen salý zor baqyt! Al osyndaı eki uly iste eń aldymen Elbasynyń erligi eren. Óıtkeni, jurtshylyq aıtyp júrgendeı elordamyz - Tuńǵysh Prezıdenttiń tól perzenti», - dedi Aqtóbe gýmanıtarlyq kolledjiniń dırektory Eraly Nurǵalıev.
Ol óz sózinde memleket basshylarynyń esimi eldiń astanalaryna berilgenin mysalǵa keltirdi.
«Kezinde alyp Reseı ımperııasynyń qurylýyna negiz bolǵan Sankt-Peterbýrg qalasy da batpaqtyń ústine saldyrtqan Petr I esimimen atalsa, sol sııaqty Rım, Aleksandrııa, Vashıngton qalalarynyń tarıhı ataýlary negizin qalaýshylardyń esimimen baılanysty. Osy tusta elorda Otany men barsha qazaqstandyqtardyń baqyty, ıgiligi úshin qaltqysyz qyzmet etip kele jatqan kóregen Ult kóshbasshysyna tıesili ekendigi kúmánsiz jep aıtar edim. Nursultan Nazarbaev - Qazaqstan Respýblıkasyn turaqtylyq, beıbitshilik pen damý jolynda senimdi túrde bastap kelgen kórnekti memleket qaıratkeri retinde Elordamyzdyń ataýyn Elbasynyń atyn berý - eń durys sheshim dep oılaımyn», - dedi Eraly Ǵubaıuly.
