Elorda tórinde halyq ánderi men kúıleri oryndaldy
ASTANA. QazAqparat - Búgin «Serper» halyq aspaptar orkestrleriniń mýzykalyq festıvali ashyldy. Qazaqstandyq jáne reseılik ujymdar halyq ánderi men shyǵarmalaryn, kúıler oryndady, dep habarlaıdy elordalyq ákimdiktiń baspasóz qyzmeti.
Festıval shymyldyǵyn dırıjer Nurlan Bekenov jetekshilik etken Astana qalasy memlekettik akademııalyq fılarmonııasynyń qazaq orkestri ashty.
Tyńdarmandar nazaryna Nurǵısa Tilendıevtiń belgili shyǵarmalary, Qurmanǵazy men táttimbettiń kúıleri, sondaı-aq, Nurlan Bekenovtiń «Shahnazar» dep atalatyn avtorlyq kompozıtsııasy usynyldy.
Ujymdardyń ónerin tamashalaýǵa QR halyq ártisi Nurǵalı Núsipjanov pen KSRO halyq ártisi, opera ánshisi Bıbıgúl Tólegenova shaqyryldy.
Astana qalasynyń memlekettik fılarmonııasy qazaq orkestriniń dırektory Sabyrjan Seıthanulynyń aıtýynsha, festıvaldiń negizgi mindeti Qazaqstannyń ǵana emes, sonymen qatar, basqa memleketterdiń orkestrleri men mýzykanttarynyń basyn qosý bolyp tabylady.
- Bizde 350 mýzykant bar, sonyń ishinde Reseıden, Bashqurtstannan kelgender de bar. Bizdiń maqsatymyz olardyń basyn qosý, biriktirý, - dedi ol.
Erteń sharaǵa qatysýshylar «Stýdenttik» jáne «Araı» parkterinde óner kórsetedi. Qala turǵyndary men qonaqtary Turmaǵambet atyndaǵy halyq aspaptar orkestri (Qyzylorda qalasy), K. Kúmisbekov atyndaǵy Aqmola oblystyq fılarmonııasynyń qazaq halyq aspaptar orkestri (Kókshetaý qalasy), Abyl Taraquly atyndaǵy qazaq halyq aspaptar orkestri (Aqtaý qalasy) jáne Baıjigit atyndaǵy halyq aspaptar orkestriniń (Óskemen qalasy) ónerin tamashalaıdy. Sondaı-aq Bashqurtstan Respýblıkasynyń ulttyq halyq aspaptar orkestri (RF) jáne Omby qalasynyń «Lad» orys kameralyq orkestri (RF) óner kórsetedi.
6 shildede qalalyq alańda ótetin gala-kontsertte bir ýaqytta 7 orkestr, 300-ge jýyq mýzykant kúıler oryndaıtyn bolady.
