Elorda tarıhy: Elbasy qurylys alańdaryna jıi kelip turatyn – sáýletshi
«Men 1996-1998 jyldary qalanyń bas jobasymen aınalystym. Burynǵy Aqmola qazirgi Nur-Sultan qalasynda meniń basshylyq etýimmen biraz jobalar iske asyryldy. Sonyń biri Esil ózeni jaǵalaýyndaǵy qurylystar. Ózen qalany kesip ótedi jáne onyń uzyndyǵy 37 shaqrymdy quraıdy. Osy 37 shaqyrym alyp ózen boıynda qaı jerde, qandaı ǵımarat turǵyzylýy tıis, qaı jerde kópir salynýy tıis – sonyń bárin biz jobaladyq.
Árıne, qalany jobalaý, salý ońaıǵa soqqan joq. Sebebi memleket endi aıaǵynan turyp jatyr, qarajat jetispeıdi. Jańa qala salý túgili, halyqtyń kún kórýiniń ózi qıynǵa soqty. Sondaı qıyndyqtarǵa qaramastan, jańa qalanyń negizi qalandy. Elbasy Nursultan Nazarbaev sol jyldary elordada jańadan salynǵan ár ǵımarattyń ashylýyna ózi qatysatyn. Ár ǵımarattyń ashylýy úlken qýanysh bolatyn. Áli esimde qazirgi Ortalyq saıabaqta balalarǵa arnalǵan akvopark ashyldy, soǵan deıin Prezıdenttiń ózi qatysy», - dedi
Sondaı-aq sáýletshi elordadaǵy «Samal» shaǵynaýdany jobasynyń avtory eken.
«Aýdandaǵy árbir qurylystyń salyný barysyn Elbasy ózi jiti qadaǵalap, qurylys alańyna jıi kelip turatyn. Búginde elordamyz basqasha, astanamyz týraly álem biledi. Osy jyldar aralyǵynda qala barlyq jaǵynan aıtarlyqtaı damydy.
Búginde Nur-Sultan qalasyna qarap, basqa qalalar da boı túzeıdi. Jańa astanany salý bastalǵanda Prezıdent sol kezdegi sát úshin erekshe sheshim qabyldady. Elordany salýshy qurylys kompanııalaryn 5 jylǵa deıin salyqtan bosatý týraly sheshim qabyldap, úkim shyǵardy. Sonyń negizinde elordada resmı tirkelgen qurylys kompanııalary 5 jyl boıy salyqtan bosatyldy. Osyndaǵy bar kompanııalardan bólek, óńirlerden qurylys kompanııalary astanaǵa kelip, tirkelip, elordanyń salynýyna óz úlesterin qosty. Sol kez úshin 5 jyl boıy salyq tólemeý, kompanııalar úshin úlken jeńildik boldy. Nátıjesinde bir jaǵynan elordamyz salyndy, ekinshi jaǵynan otandyq qurylys kompanııalary sany kóbeıip, damydy», - dep eske aldy sáýletshi.
