Elorda taksoparkiniń júrgizýshisinde kólik júrgizý kýáligi bolmaǵan

NUR-SULTAN. QazAqparat – Nur-Sultanda taksopark júrgizýshisi mashınany kólik júrgizý kýáliginsiz aıdaǵan, dep habarlaıdy QazAqparat Polisia.kz saıtyna silteme jasap.

27 qarashada astanalyq taksı júrgizýshisine qatysty QR Ákimshilik quqyq buzýshylyq kodeksiniń 612-baby 3-bóligi – «Kólik quralyn basqarý quqyǵynan aıyrylǵan júrgizýshiniń kólik aıdaýy» boıynsha ákimshilik is qozǵaldy. Ol 2018 jyly mas kúıinde kólik aıdaǵany úshin júrgizýshi kýáliginen aıyrylǵan. «Toyota Corolla» markaly avtokólik turaqqa qoıyldy.

Nur-Sultan qalasy mamandandyrylǵan aýdanaralyq ákimshilik sotynyń qaýlysymen júrgizýshige 138 900 teńge (50 AEK) kóleminde ákimshilik aıyppul salyndy.

Sonymen birge, taksopark basshysy QR ÁQBK 617-baby 1-bóligi «Kólik quraldarynyń tehnıkalyq jaǵdaıyna jáne paıdalanylýyna jaýapty tulǵalardyń, jol júrisi qaýipsizdigin qamtamasyz etý talaptaryn oryndamaýy» boıynsha jaýapqa tartyldy.

Jyl basynan beri Nur-Sultan qalasynda kólik quralyn paıdalaný men olardyń tehnıkalyq jaı-kúıine jaýapty 62 adamǵa QR ÁQBK 617-baby boıynsha ákimshilik is qozǵalǵan.