Elorda taksısteri úshin biryńǵaı talaptar ázirlenýde
ASTANA. QazAqparat - Elorda ákimdigi zańdy jumys istep júrgen taksıler úshin biryńǵaı talaptardy ázirleýde. Bul týraly «QazAqparat» tilshisine bergen suhbatynda «Astana LRT» JShS Jolaýshy kóligi basqarmasynyń jetekshisi Beıbit Esjanov málim etti.
Astanadaǵy taksı jelisin jetildirý boıynsha joba «City taxi» dep atalady. Onyń aıasynda qajetti ózgertýler jasalyp, zańdy jumys istep júrgen taksoparkterdi kóliktermen tolyqtyryp, ınfraqurylymdy damytý úshin biryńǵaı erejeni ázirleý qamtylǵan.
B. Esjanovtyń aıtýynsha, qazirgi kezde Astananyń jolaýshylar kóligi basqarmasynda 14 taksopark tirkelip, olarda 500-ge tarta avtomobıl jumys isteýde. ıAǵnı, halqy mıllıonǵa jýyqtaǵan elorda úshin bul taksı parkteriniń múmkindigi jetkiliksiz.
«Esepteýlerge qaraǵanda, qala qajettiligin qamtý úshin 3 myńǵa jýyq taksı kerek bolyp otyr. Alǵashqy kezeńde kólikter sany kem degende 1100-ge jetýi tıis»,-dep túsindirip ótti ol.
Atap aıtqanda, taksısterge arnalǵan biryńǵaı talaptardy zańnamalyyq turǵyda bekitý josparlanyp otyr. «Taksıdiń syrtqy túri biryńǵaı formatta bekitilýi kerek bolady. Sonymen qatar osy qyzmet túri lıtsenzııalanýy qajet. Bul lıtsenzııany alý úshin júrgizýshi aldymen tıisti mamandandyrylǵan oqý ornynda biliktiligin jetildirýge mindetti bolady»,-dedi ALRT ókili.
Munymen qosa, júrgizý shahardy óte jaqsy bilýi tıis. Qaýipsizdik talaptaryna saı mashınalar servıstik qyzmet kórsetýdiń arnaıy oryndarynda jóndeledi.
Osy oraıda ol zańdy jumys isteıtin taksıster bul talaptardy qabyldaýy kerek nemese bul naryqtan ketýi tıis ekenin jetkizdi.
Bul jobanyń aıasynda taksı ınfraqurylymyn damytý kózdelip otyr. Búginde qala boıynsha taksılerge arnalǵan 47 oryn jasaqtalǵan, aldaǵy ýaqytta olardy 300-ge deıin arttyrý qarastyrylýda.
