Elorda sýburqaqtarynda normany buzý faktileri anyqtaldy
ASTANA. QazAqparat – Astanada sý qoımalary men sýburqaqtarǵa laboratorııalyq zertteý júrgizildi. Bul týraly Astana qalasynyń bas memlekettik sanıtarlyq dárigeri Sarqyt Beısenova aıtyp berdi, dep habarlaıdy QazAqparat tilshisi.
«Jaz mezgilinde elorda jáne onyń irgesindegi sý aıdyndaryna tekserý júredi. Atap aıtsaq, Esil ózeni, Aqbulaq, Sarybulaq, Astana sý qoımasy jáne taǵy basqalary. Monıtorıng júrgizý úshin adamdar jıi jınalatyn jerlerde (shomylý oryndary) baqylaý núkteleri bar. Sonymen qatar qaladaǵy sýburqaqtar sýynyń sapasy da baqylaýda. Maýsymda júrgizilgen laboratorııalyq zertteý qorytyndysy boıynsha sanıtarlyq-hımııalyq normatıvke sáıkes kelmeıtin 4 jaǵdaı jáne mıkrobıologııalyq kórsetkishter boıynsha 1 sáıkes kelmeýshilik faktisi anyqtaldy», - dedi Sarqyt Beısenova qalalyq kommýnıkatsııalar qyzmeti alańynda ótken baspasóz máslıhatynda.
Bas sanıtar dárigerdiń málimdeýinshe, atalǵan faktiler týraly jergilikti atqarýshy organdar men qyzmet kórsetetin mekemeler aqparattandyryldy. Tazalaý jumystary júrip jatyr.
