Elorda stýdentteri jastardy eldiń saıası ómirine tartý máselesin talqylady
ASTANA. 22 aqpan. QazAqparat - Búgin elordadaǵy Nazarbaev ýnıversıtetinde Astana qalalyq jastar parlamentiniń uıymdastyrýymen dóńgelek ústel otyrysy ótti.
Elbasy Nursultan Nazarbaevtyń aǵymdaǵy jylǵy «Áleýmettik-ekonomıkalyq jańǵyrtý - Qazaqstan damýynyń basty baǵytty» atty Qazaqstan halqyna arnalǵan jyl saıynǵy dástúrli Joldaýy aıasynda elorda jastarynyń áleýmettik ári saıası ómirin jaqsartýǵa baǵyttalǵan is-sharalar baǵdarlamalary men jobalardy ázirleýge belsendi stýdentterdi biriktirýge negizdelgen jıynǵa joǵary oqý oryndarynyń stýdentteri qatysty.
Alqaly jıyn barysynda jastar saıasaty, bilim berý, eriktiler qyzmetin jandandyrý, Astana qalasynyń ekologııasyn jaqsartý, salaýatty ómir saltyn qalyptastyrý baǵytyndaǵy ıdeıalar jan-jaqty talqyǵa tústi. Sonymen qatar, sharaǵa qatysýshylar jastardy eldiń saıası ómirine tartý, tózimdilikti nyǵaıtý, mádenıetaralyq dıalogty damtýy jáne jastardyń saýattylyǵyn arttyrý máselelerin de kóterdi.
«Biz bundaı sharany alǵash ret uıymdastyryp otyrmyz, ári onyń óte mańyzdy ekenine senimdimiz. Bizdiń basty maqsatymyz - elordamyzdyń talantty ári belsendi jastaryn qyzyqtyratyn ózekti taqyryptardy talqylaýǵa arnalǵan alań qurý», - dep atap ótken Astana qalalyq jastar parlamentiniń tóraǵasy Baqtııar Jangeldınovtiń sózine qaraǵanda, sáýirde elordanyń jastar parlamenti qaladaǵy joǵary oqý oryndary kóshbasshylarynyń jastar forýmyn uıymdastyrmaq.
