Elorda stýdentteri Baqtııar Artaevpen kezdesti
ASTANA. QazAqparat - "Jetistikter tarıhy" jobasy sheńberinde Astananyń kásiptik-tehnıkalyq kolledjinde 2004 jylǵy boks boıynsha olımpıada chempıony, «Astana» Prezıdenttik kásiptik sport klýbynyń basshysy Baqtııar Artaevpen jastardyń kezdesýi ótti. Bul týraly Ultyq kásipkerler palatasynyń baspasóz qyzmetinen habarlady.
Kezdesý Kásipkerler palatasy men Astana ákimdiginiń muryndyq bolýymen uıymdastyryldy. "Búgingi kúni jastardyń ózin-ózi damytýy, jetistikke jetýi úshin barlyq múmkindikteri bar. Árbir qazaqstandyq týyp-ósken eline bir paıda ákelgisi kelse, oǵan eshkim kedergi bolmaıdy, bári óz qolynda», - dedi kezdesý barysynda B. Artaev. "Ataqty sportshynyń aıtýynsha, «eger óz isińdi shynaıy súıispenshilikpen oryndap, janyńdy salyp eńbektenseń alynbaıtyn qamal bolmaıdy». Ataqty sportshyny kórýge 300-den astam stýdent keldi. Tabysty boksshy, qazirgi basshynyń ómir joly jastardy yntalandyryp, rýh berip, bıikke umtylýǵa degen qulshynystaryn arttyra tústi.
