Elorda statsıonarlarynda dári-dármektiń eki aılyq qory bar
NUR-SULTAN. QazAqparat – Qazirgi ýaqytta elordalyq statsıonarlarda dári-dármektiń eki aılyq qory jasaqtaldy. Bul týraly Antikor.live jobasynda Nur-Sultan qalasynyń Qoǵamdyq densaýlyq saqtaý basqarmasy basshysy Tımýr Muratov aıtty, dep habarlaıdy QazAqparat tilshisi.
«Naýqas koronavırýspen aýyratynyn jedel anyqtaý óte úlken suraq týdyrdy. Mysaly, perzenthanaǵa túsken júkti áıelde PTR mártebesi belgisiz. Biz test nátıjesin kútýge, júkti áıeldi oqshaýlap ustaýymyzǵa týra keldi. Bul másele qazir sheshildi. Akýsherlik tósek oryndary bar kópsalaly aýrýhanalardyń barlyq qabyldaý bólimderinde ızotermııalyq qondyrǵylar bar. Bul jabdyq PTR testti eki saǵat ishinde oryndap, nátıjesin kórsete alady. PTR testi oń nátıje kórsetken júkti áıelder qaladaǵy ftızıopýlmonologııa ortalyǵynda, akýsherlik jáne bosandyrý bólimshelerinde jatyr», - deıdi Nur-Sultan qalasynyń Qoǵamdyq densaýlyq saqtaý basqarmasy basshysy Tımýr Muratov.
Onyń aıtýynsha, koronavırýstyń asqynyp ketpeýine áser etetin negizgi faktordyń biri – antıkoagýlıanttardy qabyldaý.
«Qazirgi ýaqytta qaladaǵy barlyq statsıonarlarda dári-dármektiń azaımaıtyn eki aılyq qory bar. Keıbir aýrýhanalar táýlik boıy jumys isteýde, sol sebepti ózderińizge kútimmen qaraýlaryńyzdy suraımyn. Qoldy jıi jýyp turý, maska taǵý, áleýmettik qashyqtyqty saqtaý sııaqty qarapaıym erejelerdi ustaný bizdi bul dertten qutqaryp qalýy múmin», - deıdi ol.
