Elorda saıabaqtary «aqyldy» shamdarmen jaryqtandyryldy

 ASTANA. QazAqparat - Elorda saıabaqtarynda ornatylǵan «aqyldy» shamdar elektr energııasyn 60 paıyzǵa deıin únemdeýge múmkindik beredi, dep habarlaıdy QazAqparat Astana qalasy ákimdiginiń saıtyna silteme jasap.

Elorda tsırkiniń aýmaǵynda da energııa únemdeıtin Green Light júıesi ornatyldy.

«Olardyń qýattylyǵy 200 vatt, ıaǵnı, bizdiń kádimgi qoldanystaǵy shamdardan qýattylyǵy sál ǵana az, alaıda 12 volttan bastap jumys isteıdi. Sáıkesinshe mundaı shamdardyń energııany tutyný kólemi óte az. Bul óz kezeginde qýat kózin edáýir únemdeýge múmkindik beredi», - dep túsindirdi energııa kózderin jańartý jobasynyń basshysy Rýstam Qadyrov.

Mundaı shamshyraqtar Qazaqstanda jasalǵan, kóshe shamdarynyń keskini Elorda tsırkine arnaıy jasap, daıyndalǵan.

«Shamnyń dızaıny bizdiń tapsyrmamyz boıynsha jasaldy. Bizdiń tsırk beımálim ushyp júrgen nysan kelbetinde, sol sebepten shamshyraqtar da osy keskinge saı fýtýrıstik úlgide jasaldy. Іshki jáne syrtqy jaqtary, dızaıny - barlyǵy Qazaqstanda jasalyp, qurastyryldy», - dedi R. Qadyrov.

Jaqyn ýaqytta Green Light júıesi boıynsha Elordanyń barlyq saıabaqtary jaryqtandyrylmaq.