Elorda saıabaqtarynda tegin ıoga jattyǵýlary ótedi
ASTANA. KAZINFORM — Astana qalasynda aldaǵy úsh aı boıy ashyq aspan astynda tegin ıoga jattyǵýlary ótedi. Іs-sharany Astana qalasy ákimdiginiń qoldaýymen qalalyq Dene shynyqtyrý jáne sport basqarmasy uıymdastyrady. Bul týraly elordanyń ákimdigi málim etti.
Uıymdastyrýshylardyń málimetinshe, tegin ıoga sabaqtary 8 maýsym men 8 qyrkúıek aralyǵynda elordanyń alty saıabaǵynda aptasyna úsh ret ótkiziledi.
— Bul ıoga jattyǵýlaryn bıyl ekinshi jyl qatarynan ótkizip otyrmyz. Ótken jyly 1000-nan astam qatysýshy boldy. Iogaǵa suranys joǵary. Jattyǵýlar barlyq jas sanatyndaǵy turǵyndarǵa arnalǵan. Іs-shara tolyqtaı tegin, aldyn ala tirkelýdiń qajeti joq. Tek call-center nómirine habarlasyp, ótetin orynnyń naqty ornalasqan jerin bilý jetkilikti. Tegin jattyǵýlar Esil, Nura, Almaty, Saraıshyq jáne Baıqońyr aýdandaryndaǵy saıabaqtarda aptasyna úsh ret — dúısenbi, sársenbi jáne juma kúnderi saǵat 19:00–20:00 aralyǵynda ótedi. Qala turǵyndary ózine yńǵaıly ári jaqyn oryndy tańdap, jumystan keıin erkin qatysa alady. Sabaqtardy kásibı ıoga jattyqtyrýshylary júrgizedi, — dedi Astana qalasynyń Dene shynyqtyrý jáne sport basqarmasynyń baspasóz hatshysy Madına Aıtqalıeva.
Ioga jattyǵýlary ótetin oryndar:
• Esil aýdany — «Jetisý» saıabaǵy;
• Esil aýdany — «Samal» saıabaǵy;
• Nura aýdany — Ortalyq qalalyq saıabaq;
• Almaty aýdany — «Jeruıyq» saıabaǵy;
• Saraıshyq aýdany — Prezıdenttik saıabaq;
• Baıqońyr aýdany — Atatúrik saıabaǵy.
Jattyǵýlardyń naqty kestesi men tolyq aqparat Astana qalasy Dene shynyqtyrý jáne sport basqarmasynyń resmı saıtynda jáne áleýmettik jelidegi paraqshalarynda jarııalanyp otyrady.
Jattyǵýlar boıynsha qosymsha aqparat alý úshin: Call-center: +7 (777-62) 1-59-54
Aıta keteıik, kásibı ıoga jattyqtyrýshylary júrgizetin tegin sabaqtar 8 qyrkúıekke deıin jalǵasady.
Eske sala keteıik, elordada 21 maýsymda 11-shi Halyqaralyq ıoga kúni atalyp ótedi.
