Elorda salyq tóleýshilerine qaıta tirkeýden ótýdiń qajeti joq
Memlekettik kirister komıtetiniń málimetinshe, t ıisinshe, qaıta tirkeýden ótý qajet emes.
«Elorda ataýyn Nur-Sultan qalasynan Astana qalasyna ózgertý salyq tóleýshilerdiń: jeke kásipkerlerdiń, jeke praktıkamen aınalysatyn jeke tulǵalardyń jáne rezıdent emes zańdy tulǵalardyń tirkeý qujattaryn ózgertýge ákep soqpaıdy. Elordanyń burynǵy ataýy bar qujattar da jaramdy bolady jáne memlekettik qyzmetti alý kezinde qoldanylady.
Salyqtardy jáne bıýdjetke tólenetin tólemderdi esepke alý úshin bank rekvızıtteri (BSN, memlekettik kirister organdarynyń kodtary, IIK, Qazynashylyq komıtetiniń BIK, BSK, KNP) elorda ataýynyń ózgerýine baılanysty ózgerissiz, burynǵydaı qalady», - dep jazdy vedomstvodan.
Tek memlekettik kirister organdarynyń ataýlary ǵana ózgeredi. Mysaly, Nur-Sultan qalasy boıynsha Memlekettik kirister departamenti Astana qalasy boıynsha Memlekettik kirister departamenti bolyp ózgeredi, sáıkesinshe Nur-Sultan qalasynyń Almaty, Saryarqa, Esil, Baıqońyr aýdandary Memlekettik kirister basqarmalarynyń ataýy Astana qalasynyń Almaty, Saryarqa, Esil, Baıqońyr aýdandary Memlekettik kirister basqarmalary bolyp ózgeredi.
«Bul rette MKD jáne MKB ataýlaryn ózgertý salyqtardy jáne bıýdjetke tólenetin basqa da mindetti tólemderdi tóleý tártibine áser etpeıdi. Tólem qujattaryndaǵy rekvızıtterdi toltyrý kezinde MKD jáne MKB ataýyn qoldap terýdiń qajeti joq.
Bankterdiń mobıldi qosymshalary arqyly salyqty tóleý kezinde memlekettik kirister organdarynyń tiziminen tıisti Memlekettik kirister basqarmasyn tańdaý qajet. MKD jáne MKB qaıta tirkeýden ótkenge deıin azamattar tólem jasaý kezinde tizimnen olardyń eski ataýyn tańdaı alady», - dep túsindirdi komıtetten.
Salyqtar men bıýdjetke mindetti tólemderdi tóleý boıynsha aǵymdaǵy shottardyń rekvızıtteri Qarjy mınıstrligi Memlekettik kirister komıtetiniń resmı saıtynda myna silteme boıynsha ornalasqan.
