Elorda saqshylary «baqaıshaǵyna deıin qarýlanǵan» jigittiń kim ekenin anyqtady
NUR-SULTAN. QazAqparat – Elorda saqshylary birneshe kún buryn áleýmettik jelide vıdeosy tarap ketken «baqaıshyǵyna deıin qarýlanǵan» jigittiń kim ekenin anyqtady, dep habarlaıdy QazAqparat tilshisi.
«Áleýmettik jelilerde 14 qarashada taraǵan atalmysh vıdeoǵa qatysty Polıtsııa departamenti jedel izdestirý sharalary barysynda 24 jastaǵy qala turǵynyn anyqtady», - dep habarlaıdy qalalyq polıtsııa departamentinen.
Qazirgi ýaqytta QR Qylmystyq kodeksiniń 287-baby boıynsha sotqa deıingi tergeý amaldary júrip jatyr. Qazir vıdeodaǵy jigitti izdestirý jumystary júrgizilýde.
Aıta ketsek, buǵan deıin «Astana-sergek» Instagram paraqshasynda jas jigittiń qarý ustap, «Astana bizdiki» degen vıdeosy taraǵan bolatyn. Vıdeoda jas jigit birneshe qarýdy ustap, bylapyt sózder aıtady.
