Elorda prokýratýrasy memleketke 700 mln teńgege jýyq jer telimin qaıtardy

ASTANA. QazAqparat – Astana qalasynyń prokýratýrasy memleket muqtajdyǵy úshin alynǵan jer telimderi boıynsha sot aktileriniń oryndalýyna tekseris júrgizdi, dep habarlaıdy QazAqparat.

Bas prokýratýranyń málimeti boıynsha, tekserý barysynda aktsıonerlik qoǵam eriksiz ıelikten shyǵarylatyn jer ýchaskesi úshin 663 mln teńge kóleminde ótemaqy alǵany anyqtaldy. Alaıda 2 jyl boıy sottyń mektep pen jataqhana salý úshin 2 jer telimderin memleketke berý týraly sheshimin oryndamaǵan.

Prokýrorlyq qadaǵalaý aktisi boıynsha sot sheshimi oryndalyp, jer ýchaskeleri memleketke berildi.