Elorda polıtsııasy jańa jylda aıaz ata, aqshaqar shaqyrǵanda saq bolýdy eskertti
ASTANA. KAZINFORM – Astana qalasynyń polıtsııa departamenti jańa jyl merekesi qarsańynda azamattardy muqııat jáne qyraǵy bolýǵa shaqyrdy.
— Quqyq buzýshylyq pen urlyq-qarlyqtyń aldyn alý maqsatynda polıtsııa qoǵamdyq oryndarda qaýipsizdik sharalaryn kúsheıtti. Saýda oryndary, azyq-túlik jáne gúl dúkenderinde, lombardtarda, zergerlik dúkender men aqsha aıyrbastaý pýnkterinde, janar-jaǵarmaı quıý beketteri men shaǵyn kredıttik uıymdarda reıd júrdi. Sonymen qatar shaǵyn jáne orta bıznes obektileriniń janynda patrýldeý uıymdastyryldy, - delingen habarlamada.
Osy oraıda tártip saqshylary jańa jyl qarsańynda teris pıǵyldy adamdar merekelik keıipke enip alaıaqtyq jasaýy múmkindigin aıtyp otyr.
— Sol sebepti beıtanys jandarmen baılanysqanda, ásirese aıaz ata men aqshaqar keıpindegi ártisterdi jaldaǵanda qyraǵylyq tanytýǵa shaqyramyz, — deıdi polıtsııa departamentinen.
Aıta keteıik, Úkimet basshysy Oljas Bektenov polıtsııa kez kelgen, tipti kishigirim quqyq buzýshylyqtarǵa birden den qoıýy tıistigin aıtty.