Elorda polıtsııasy lombard tonaǵan kúdiktini izdestirýde
NUR-SULTAN. QazAqparat - Elorda polıtsııasy qaladaǵy lombardtardyń birine qaraqshylyq shabýyl jasaǵan kúdiktini izdestirip jatyr, dep habarlaıdy QazAqparat tilshisi.
Nur-Sultan qalalyq polıtsııa departamenti Krımınaldyq polıtsııa basqarmasynyń aqparatyna sáıkes, 3 sáýir kúni polıtsııaǵa belgisiz adam habarlasyp, túski as ýaqytynda Gete kóshesiniń boıyndaǵy lombardqa kirip, qyzmetkerin qarýǵa uqsas zatpen qorqytý arqyly aqsha berýin talap etkendigin habarlaǵan. Ol aqshany alǵannan keıin qylmys ornynan ketip qalǵan.
«Qazirgi ýaqytta kúdiktini anyqtaý jáne ustaý boıynsha jedel izdestirý sharasy júrgizilip jatyr. Kúdikti 25-27 jastaǵy jigit, boıy 175-177 sm, qara tústi kúnnen qorǵaıtyn kózildirik taqqan, aqshyl-jasyl tústi medıtsınalyq betperdemen tumshalanǵan, qara tústi kúrteshe, kók tústi sporttyq shalbar, aq jolaqtary bar qara krossovka kıgen», - dedi vedomstvodan.
