Elorda polıtsııasy kólik júrgizýshilerine ótinish jasady
NUR-SULTAN. QazAqparat – Elorda polıtsııasy tolassyz qar jaýýyna baılanysty qala kóshelerindegi ahýaldy turaqty baqylaýǵa aldy», - dep habarlaıdy QazAqparat tilshisi.
«Tártip saqshylary jol-kólik oqıǵalary oryn almaýy úshin qajetti barlyq is-sharalardy qabyldaýda. Qıyndyqqa tap bolǵan júrgizýshilerge kómek kórsetip, qoǵamdyq tártipti jáne azamattardyń qaýipsizdigin qamtamasyz etýde», - delingen Nur-Sultan qalalyq polıtsııa departamentiniń Instagram paraqshasynda jarııalanǵan aqparatta.
Sonymen qatar qalalyq departament qalyń qardyń jaýýyna baılanysty júrgizýshilerden joldarda asa abaı bolýdy jáne jol qozǵalysy erejesin qatań saqtaýdy ótinedi.
«Júrgizýshiler barynsha muqııat bolyp, jyldamdyq rejımin jáne qaýipsiz ara qashyqty buljytpaı saqtaý qajet. Jaıaý júrginshilerden joldy belgilengen jerlerden ǵana ótýdi suraımyz. Osyǵan baılanysty, júrgizýshilerdi jaıaý júrginshiler ótkeli aldynda jyldamdyqty barynsha azaıtýdy, jalpyǵa bilim berý mekemeleriniń mańynda asa muqııat bolýdy eskertemiz»,- dedi departamentten.
