Elorda polıtseıleri úsh kúnde 17 mas júrgizýshini ustady
NUR-SULTAN. QazAqparat - Elordanyń jol saqshylary, úsh kún ishinde 19 júrgizýshini ustap, medıtsınalyq tekserýge jetkizgen, onyń 17-si mas kúıinde bolǵany anyqtaldy, dep habarlaıdy QazAqparat.
Nur-Sultan qalalyq Polıtsııa basqarmasynyń málimetinshe, QK-tiń 346-babymen kólik quraldaryn júrgizý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıde kólik quralyn aıdaǵany úshin 1 júrgizýshi jaýapkershilikke tartyldy. Kommýnaldyq turaqqa 18 avtokólik jóneltildi.
«Bir táýlik ishinde «Sergek qorǵaý» kómegimen elorda joldarynda 238 júrgizýshige aıyppul salyndy. Sonymen qatar, jalǵan memlekettik nómirmen aıdaǵany úshin 2 júrgizýshi ustaldy, 39 turǵyn kólik quralyn júrgizý quqyǵynan aıyryldy, 40-y saqtandyrý polısi shartyn jasamaǵan bolyp shyqty. Іs-sharalar barysynda polıtsııa qyzmetkerleri jalǵan nómirleri bar «BMV 525» markaly avtokóliktiń 34 jastaǵy júrgizýshisin toqtatty. Tártip buzýshy ÁQBtK-tiń 590-baby 4-bóligi boıynsha kórineý jalǵan nemese qoldan jasalǵan memlekettik tirkeý nómirlik belgileri bar kólik quralyn júrgizgeni úshin ákimshilik jaýapkershilikke tartyldy», - dep jazdy vedomstvodan.
