Elorda polıtseıleri turǵyn úılerdiń ortaq chattary arqyly tártip buzý faktilerin anyqtaýda
Onyń sózine qaraǵanda, jyl basynan beri Baıqońyr aýdanynda otbasylyq-turmystyq qatynastar salasynda 60-tan astam quqyq buzýshylyq anyqtalyp, qorǵaý jónindegi 170 nusqaý shyǵaryldy. Turǵyndardyń aqparaty arqyly otbasynda janjal shyǵaratyn 185 adammen aldyn alý is-sharalary júrgizilip, zardap shekken 112 áıelge áleýmettik-quqyqtyq kómek kórsetildi.
«Máselen, ishimdikke masaıǵan er adam úıinde janjal shyǵarýdy, áıeline kúsh kórsetýdi ádetke aınaldyrǵan. Degenmen áıeli bul jaǵdaılardy quqyq qorǵaý organdaryna habarlaǵysy kelmegen. Atalǵan fakti jaıynda PIK ókilderinen habardar boldyq. Osy oraıda er adam 6 aı merzimge Narkologııa ortalyǵyna statsıonarlyq emdelýge jiberildi. Osyndaı oqıǵalar jıi kezdesedi», - dedi basqarma basshysy brıfıng barysynda.
Osyǵan baılanysty ol PIK ókilderi men qala turǵyndaryn osy tektes quqyq buzýshylyq jaǵdaılary týraly «102» qyzmetine nemese ýchaskelik ınspektorǵa habarlaýǵa shaqyrdy.
Belgili bolǵandaı, ýchaskelik ınspektorlar qyzmet kórsetetin uıymdar men belsendi turǵyndar qamtylǵan 491 chatqa qosylǵan. Osylar arqyly polıtseıler 120-dan astam ákimshilik quqyq buzýshylyqtyń jolyn kesti, 15 adam Narkologııa ortalyǵyna jiberilgen. Sonymen qatar, otbasynda janjal týdyratyndarǵa qatysty 26 nusqaý shyǵarylǵan, al 150 turǵynǵa quqyqtyq kómek kórsetildi.
Budan bólek Dáýren Qazbekov kóńil kóteretin oryndar tarapynan túngi ýaqytta turǵyndardyń tynyshtyǵyn buzýy jaǵdaılary týraly aıtyp berdi. Demalys oryndaryna qatysty «102» pýltine qańtar aıynda 133 shaǵym kelip tústi. Osy oraıda tynyshtyqty buzǵany úshin 93 ákimshilik is qoǵaldy.
Onyń aıtýynsha, qazirgi kezde aýdandaǵy turǵyndardyń sany 240 myń adamnan asty. Osyǵan baılanysty taǵy da 20 ýchaskelik ınspektordy jumysqa alý qajettigi týyndap otyr.
