Elorda polıtseıleri memleketaralyq izdeýde bolǵan eki qylmyskerdi ustady
Alaıaqtyq jasaǵan birinshi qylmyskerdi QR ІІM Kóliktegi polıtsııa departamenti krımınaldyq basqarmasynyń qyzmetkerleri ustady. Nur-Sultan qalasynda «Qarý» jedel-aldyn alý sharasy aıasynda júrgizilgen jedel-izdeý sharalary kezinde polıtseıler Qyzylorda oblysy Baıqońyr qalasynyń 33 jastaǵy turǵynyn anyqtap, ustady. Bul týraly departament bastyǵynyń orynbasary Nurjan Álibaev málim etti.
Onyń aıtýynsha, ustalǵan er adam buryn osyǵan uqsas qylmystary úshin sottalǵan. Ol Nur-Sultan qalasynyń QAJD tergeý oqshaýlaǵyshyna qamaldy.
Sondaı-aq Álibaev jelilik polıtsııa bóliminiń qyzmetkerleri Qyzylord stansasynda Aqtóbe qalasynyń buryn sottalǵan 29 jastaǵy turǵynyn qolǵa túskenin atap ótti. Ol QR Qylmystyq kodeksiniń 188-babynyń 3-bólimi boıynsha memleketaralyq izdeýde bolǵan. Qylmysker Qyzylorda qalasynyń temirjol vokzalynyń mańynda ustalyp, ýaqytsha oqshaýlaǵyshqa qamaldy.