Elorda polıtseıleri medıtsınalyq maskaǵa qatysty eskertý jasaýda - Erjan Sádenov
NUR-SULTAN. QazAqparat – Elordada polıtseıler medıtsınalyq maskaǵa qatysty túsindirý jumystaryn júrgizýde. Bul týraly Nur-Sultan qalasy Polıtsııa departamentiniń basshysy Erjan Sádenov málim etti, dep habarlaıdy QazAqparat tilshisi.
Brıfıng barysynda tilshiler karantın rejimin kúsheıtý aıasynda elordada maskasyz júrgenderge qandaı da bir shara qoldaný múmkindigi týraly surady.
«Birinshiden, maskasyz júrýge bolmaıdy. Bul turǵyda tıisti aqparat berilip, eskertý jumystary júrip jatyr. Qalalyq ákimdiktiń málimetinshe, Nur-Sultan qalasynda maska jetkilikti. Jalpy, eskertý jumystary júrip jatyr», - E. Sádenov «Habar 24» telearnasynda ótken onlaın brıfıngide.
Budan buryn habarlanǵandaı, elordada karantın rejimin buzǵan 300-den astam adam jaýapkershilikke tartyldy.
Sonymen qatar, qalada 30 avtokólik arnaıy aıyp turaǵyna qoıyldy.
Aıta keteıik, QR Ádilet mınıstri Marat Beketaev karantın kezinde kóshege sportpen shuǵyldanýǵa shyǵatyndarǵa qatysty túsinik berdi.
Mınıstrdiń aıtýynsha, karantın kezinde toltyrylǵan negizsiz jazany sotta qaraýǵa bolady.
