Elorda polıtseıleri kólik urysyn ustady

NUR-SULTAN. QazAqparat – Elorda aýmaǵynda qoǵamdyq oryndarda quqyq buzýshylyqtardyń aldyn alý jáne boldyrmaý maqsatynda bir aı boıy «Quqyq tártibi» respýblıkalyq jedel-aldyn alý sharasy júrgizilýde, dep habarlaıdy QazAqparat Nur-Sultan qalasy polıtsııa basqarmasynyń baspasóz qyzmetine silteme jasap.

Osylaısha, kúndizgi saǵat 12:10-da polıtsııaǵa «Mersedes S-600» kóliginiń ıesi habarlasyp, kóliginiń aıdap áketilgenin habarlady. Er adamnyń aıtýynsha, ol kóligin otaldyryp, kiltin ishinde qaldyryp ketken. Kóliktiń qasynda ótip bara jatqan qaskúnem ishinen kilt baıqap, oǵan minip ketti.

Urlanǵan kólik PD JBO beınebaqylaý taspalaryna túsip qalǵan. Patrýldik polıtseıler uryny ustady. Ol qalanyń 32 jastaǵy turǵyny bolyp shyqty. Er adam óz áreketin kólikke mingisi kelgenimen túsindirdi. Qazirgi kezde kólikti zańsyz ıemdený faktisi boıynsha sot aldyndaǵy tergeý amaldary júrgizilýde.

«Quqyq tártibi» respýblıkalyq jedel-aldyn alý sharasyn ótkizý barysynda qala aýmaǵynda ákimshilik quqyqbuzýshylyqtar anyqtalǵan. Olardyń arasynda usaq buzaqylyq, qoǵamdyq oryndarda alkogoldik ishimdikter ishý nemese mas kúıinde júrý faktileri anyqtaldy. Elordada qujat pen tirkeýsiz turyp júrgender, kóshi-qon zańnamasyn buzǵan shetel azamattary ustaldy. Shamamen 15 myń jaldamaly páter men 1407 saıajaı úıi tekserildi.

Polıtsııa departamenti azamattardy qoǵamdyq tártipti buzbaýǵa, mádenıet pen ózara syılastyq saqtaýǵa shaqyrady. Quqyq tártibin buzý faktileri týraly polıtsııaǵa habarlaýdy suraıdy.