Elorda polıtseıleri karantın talaptaryn eske salyp, halyqqa maska taratyp júr
Elordalyq polıtseıler volonterlermen birge park, skverde serýendegen halyqqa, jumysyn jandandyrǵan saýda úıine kelýshilerge maska taratty. Saqshylar «Tulpar», «Astanalyq» saýda úıiniń jáne sýpermarketterdiń aýmaǵyn tekserip, túsindirý jumysyn júrgizdi.
Qoǵamdyq orynda qorǵanys quralynsyz júrgen turǵyndarmen áńgimeleskennen keıin polıtseıler olarǵa betperde taratty. Turǵyndar polıtsııa qyzmetkerlerine kóńil bólip, qajetti quralmen qamtamasyz etkeni úshin alǵys aıtty.
«Karantın rejımi áli aıaqtalǵan joq. Biz adamdarǵa jeke qaýipsizdik erejelerin túsindiremiz jáne olardy saq bolýǵa, dúkende araqashyqtyqty saqtaýǵa, mindetti túrde maska kııýge shaqyramyz. Búgin biz eskertý jumystaryn júrgizdik. Eger saýda úıleri karantın talaptaryn saqtamasa, onda biz QR ÁQBK 462-baby boıynsha ákimshilik jaýapqa tartamyz jáne karantındi buzatyn mekemelerdi jabýǵa deıin aparatyn shara qabyldaıtynymyzdy eskertip, ótinishhat joldaımyz», – deıdi qalalyq polıtsııa departamenti jergilikti polıtsııa qyzmetiniń basshysy Ǵosman Jakın.
Polıtseıler turǵyndarǵa qajettilik týyndamasa úıden shyqpaý kerektigin eskertedi. Osy sharalardyń barlyǵy turǵyndardyń qaýipsizdigi úshin jasalyp jatyr.