Elorda polıtseıleri qala turǵyndaryn jolda qyraǵy bolýǵa shaqyrdy
NUR-SULTAN. QazAqparat – Elordada keshe 80-nen astam jol-kólik oqıǵasy tirkelgen, zardap shekkender joq. Bul týraly QazAqparat Nur-Sultan qalasy polıtsııa departamentiniń baspasóz qyzmetine silteme jasap habarlaıdy.
Jaıaý júrginshilerge joldan ótken kezde, al júrgizýshilerge jyldamdyq rejımin nazarda ustaǵan jón.
Aýa raıynyń buzylýyna baılanysty qalaaralyq kólik qatynasyna shekteý qoıylǵan. Osyǵan baılanysty, polıtseıler júrgizýshilerden qala syrtyna jolǵa shyqpaýǵa jáne aýa-raıy, kúre joldardyń jaǵdaıy týraly jańalyqtardy qadaǵalaýǵa shaqyrdy.
Qalada qalyń qar túsip, kommýnaldyq qyzmetter kóshelerdi tazalaýǵa arnalǵan arnaıy tehnıka barynsha kóp jumyldyrǵan.
Polıtsııa departamenti júrgizýshilerden qyraǵy bolyp, qar tazalaý tehnıkasynyń kolonnasymen birge erip júretin polıtseılerdiń talaptaryna túsinistikpen qaraýyn, kólikterin joldyń boıynda qaldyrmaýyn suraıdy.
