Elorda polıtseıleri qala kóshesinde bir azamatty atyp óltirgenderdi quryqtady

Bul týraly agenttik tilshisine Astana qalalyq ІІD memlekettik til jáne aqparat bóliminiń bastyǵy Nurdildá Oraz málim etti.

Onyń aıtýynsha, qyrkúıektiń 3-inde túngi saǵat 1-den 45 mınýt ótken kezde Abaı men Respýblıka dańǵyldarynyń qıylysynda «Opel» men «Sýbarý Forester» kóligindegi beıtanys azamattar arasynda kıkiljiń týyndaıdy. Oqıǵa barysynda travmatıkalyq qarýdan 4-5 ret oq atqan adamdar dereý izin jasyryp, «Sýbarý Forester» kóliginiń júrgizýshisi alǵan jaraqattan sol jerde kóz jumady.

«Bul oqıǵa boıynsha QR Qylmystyq kodeksiniń 96-shy baby boıynsha qylmystyq is qozǵaldy. Qazirgi ýaqytta osy qylmysqa qatysy bar 2 adam qolǵa túsip, tergeý amaldary bastaldy. Sonymen qatar oqıǵaǵa qatysy bar basqa azamattar da anyqtalyp, qazir olardy tutqyndaý sharalary júrgizilýde», dedi N.Oraz.