Elorda polıtseıleri halyqaralyq izdeýde júrgen qylmyskerdi ustady
NUR-SULTAN. QazAqparat – Nur-Sultanda halyqaralyq izdeýde júrgen Túrkııa azamaty ustaldy, dep habarlaıdy QazAqparat.
Eldegi tártipti qamtamasyz etý, shekaradan zańsyz ótý faktilerin anyqtap, aldyn alý maqsatynda 1-5 aqpan aralyǵynda el aýmaǵynda «Mıgrant» jedel-profılaktıkalyq sharasy júrip jatyr.
Polıtseıler zańsyz júrgen shetel azamattary bolýy múmkin jerlerdi – qurylys alańdaryn, azamattar jappaı jınalatyn oryndardy tekserip jatyr. Bir kún ishinde 40-tan asa kóshi-qon zańnamasyn buzý faktisi tirkeldi. Kim ekenin anyqtaý maqsatynda qabyldaý-bólý bólimine 28 TMD azamaty jetkizildi.
Sheteldikter kóbinde Qazaqstan Respýblıkasyna kirý, shyǵý jáne elde bolý erejelerin buzǵany belgili boldy.
Sondaı-aq shetel azamattarynyń arasynda buzaqylyq, urlyq jasaǵandar da bar bolyp shyqty.
Sonymen qatar, Jedel-profılaktıkalyq shara kezinde kóshi-qon polıtsııa qyzmetkerleri Túrkııa Respýblıkasy aýmaǵynda qylmystyq is jasaǵany úshin halyqaralyq izdeýde júrgen Túrkııa azamatyn qolǵa túsirdi. Ustalǵan azamat otanyna ekstradıtsııalaný úshin ýaqytsha ustaý ızolıatoryna qamaldy.
