Elorda polıtseıleri eki esirtki satýshysyn ustady
NUR-SULTAN. QazAqparat – Arnaıy operatsııa barysynda elodalyq polıtseıler eki esirtki satýshysyn ustady, dep habarlaıdy Nur-Sultan qalasy PD baspasóz qyzmetine silteme jasap.
Buryn aýyr qylmys jasaǵany úshin sottalǵan 46 jáne 39 jastaǵy kúdiktiler astana aýmaǵynda nasha satýǵa tyrysqan. Barlyǵy esirtki satýshylardan 4 kg esirtki zattary tárkilendi.
Jeńis dańǵylynyń boıynda polıtsııa «Reno Daster» avtokóligin toqtatqan. Onyń aldyńǵy oryndyǵynyń astynan ósimdik tektes sur-jasyl tústi zat oralǵan úsh polıetılen túıinshegi tabyldy.
Sonymen qatar 39 jastaǵy kúdiktiniń páterin tintý kezinde satýǵa daıyndalǵan úsh nasha túıinshegi anyqtalǵan. Tárkilengen esirtki zattarynyń jalpy salmaǵy – 2 kg 167 gr.
Tártip saqshylary 46 jastaǵy ekinshi esirtki satýshysynyń páterin de tintidi. Tintý kezinde kúdiktiniń úıinen esirtki zattary bar eki polıetılen paketi tárkilendi. Saraptamanyń qorytyndysyna sáıkes, tárkilengen nashanyń jalpy salmaǵy – 1 kg 715 gr.
Atalmysh fakti boıynsha QR QK-niń 4-bólimi 296-babyna sáıkes qylmystyq is qozǵaldy. Kúdiktiler ýaqytsha ustaý ızolıatoryna qamaldy. Esirtki zattarynyń qaıdan alynǵany anyqtalýda.
