Elorda polıtseıleri birneshe ret urlyq jasaǵan qylmyskerdi ustady
NUR-SULTAN. QazAqparat – Nur-Sultan qalasynyń polıtseıleri jedel-izdeý sharalaryn ótkizý barysynda buryn birneshe ret sottalǵan 34 jastaǵy qala turǵynyn qolǵa túsirdi.
Ol birneshe urlyq jasady dep aıyptalyp otyr, dep habarlaıdy QazAqparat Polıtsııa departamentiniń baspasóz qyzmetine silteme jasap.
Tergeý barysynda kúdikti elordadaǵy bıznes-ortalyqtardyń birindegi kabınetke kirip, 220 myń teńge turatyn «iPhone» markaly telefondy urlaǵany anyqtaldy.
Sondaı-aq, Bógenbaı batyr dańǵylyndaǵy turǵyn úıden 90 myń teńge turatyn velosıpedti urlaǵan.
Kúdikti 5 túrli urlyq jasaǵanyn moıyndady. Urlanǵan zattar tárkilendi.
Ol ýaqytsha ustaý ızolıatoryna qamaldy. Onyń astana aýmaǵyndaǵy osy sekildi basqa da urlyqtarǵa qatysy bar-joǵy tekserilip jatyr.
Nur-Sultan qalasynyń Polıtsııa departamenti turǵyndarǵa óte muqııat bolyp, qundy zattardy qaraýsyz qaldyrmaýǵa, velosıpedterdi podezde tastap ketpeýge shaqyrady.
