Elorda polıtseıleri bir kúnde eki adamnan sıntetıkalyq esirtki tárkiledi
Nur-Sultan qalasy polıtsııa departamenti baspasóz qyzmetiniń habarlaýynsha, «Quqyqtyq tártip» respýblıkalyq jedel-aldyn alý is-sharasy kezinde eki adamnan sıntetıkalyq esirtki tárkilengen.
«Túnde Saryarqa dańǵylynda 23 jastaǵy qyz, kúndiz Respýblıka dańǵylynda 44 jastaǵy er adam ustaldy. Tintý kezinde ustalǵan azamattardyń qaltasynan «Alfa PVP» dep atalatyn sıntetıkalyq esirtki tabyldy. Kúdiktilerdiń ústinen QR Qylmystyq kodeksiniń 296-baby 2-bóligi boıynsha sotqa deıingi tergeý bastaldy», - dep jazady departamenttiń baspasóz qyzmeti.
Ressı derek boıynsha, «Quqyqtyq tártip» profılaktıkalyq is-sharasy bastalǵannan beri astana aýmaǵynda 200-den astam qylmys tirkelgen. Onyń ishinde 162-si ashylǵan. Oǵan qosa buǵan deıin ashylmaı kelgen 138 qylmystyń beti ashylǵan. Іzdeýde júrgen 24 qylmysker ustalyp, habar-osharsyz ketken 7 azamattyń mekenjaıy belgili bolǵan. Esirtki zattaryn zańsyz alyp júrdi jáne saqtady degen kúdikpen 20-dan astam adam ustalǵan.
Reıdtik is-sharalardy ótkizý kezinde polıtsııa qyzmetkerleri 7 myńnan astam ákimshilik quqyq buzýshylyqty anyqtady, onyń ishinde 922 usaq buzaqylyq faktisi jáne 1,5 myńnan astam alkogoldik ishimdikter ishý nemese qoǵamdyq oryndarda mas kúıinde bolý faktileri. Mas kúıinde kólik júrgizgeni úshin 91 júrgizýshi ustaldy.
