Elorda polıtseıleri balalarǵa erekshe tartý ázirledi
ASTANA. 1 maýsym. QazAqparat - Elorda polıtseıleri jumystarynyń qıyndyǵy men kúrdeliligine qaramastan, qaıyrymdylyq jasaý men búldirshinderge meıirim shýaǵyn shashýdan jańylmaıdy.
Halyqaralyq balalardy qorǵaý kúni olar kishkentaı astanalyqtar úshin mereke uıymdastyrýdy jón sanapty, dep habarlaıdy Astana qalasynyń resmı saıty ishki ister departamenti baspasóz qyzmetine silteme jasap.
Búgin «Eko aýyl» demalys aýmaǵynda qalalyq ІІD qyzmetkerleri ataýly kúnge arnalǵan is-shara ótkizdi. Tártip saqshylary az qamtylǵan jáne kópbalaly otbasylardyń balalaryn quttyqtaýdy uıǵarypty.
Osyndaı 50-ge tarta búldirshinge mýzykalyq nómirler men qatar, tsırk ártisteri - saıqymazaqtar, jongler men akrobattar óner kórsetedi. Kún ishinde balalar polıtsııanyń jumys baǵyttarymen tanysady. Qyzmettik mototsıklderge, Kúzet polki polıtsııasynyń kavalerlik rotasy attaryna minip, qydyrady.
«Arlan» arnaıy jasaǵy bólimshesi balalardyń aldynda qyzǵylyqty jattyǵýlar men nómirler kórsetedi. Al Astana qalasy ІІD-niń ıt úıretý qyzmet ortalyǵy úıretilgen ıttermen jumys isteý sheberlikterin pash etedi.
Sonymen qatar, kúni boıy balalar ár túrli sporttyq jáne kóńildi oıyndarǵa qatysyp, ózderiniń úzdik qabiletterin,- zerektilik, eptilik, komandada jumys isteı alatyndyqtaryn ortaǵa salady. Osy syndy baıqaýlar balalar men qatar eresekterdiń de kóńil kúılerin kótereri sózsiz,- deıdi merekeni uıymdastyrýshylar. Іs-shara sońynda balalarǵa syılyqtar tartý etiledi. Bı keshi uıymdastyrylyp, mereke ot shashýmen aıaqtalady.
