Elorda polıtseıleri aýrýhanada urlyq jasaǵan er adamdy ustady
NUR-SULTAN. QazAqparat – Elorda polıtseıleri ótkizgen jedel sharalar kezinde Soltústik Qazaqstan oblysynyń 22 jastaǵy turǵynyn ustady, dep habarlaıdy QazAqparat Nur-Sultan qalasynyń Polıtsııa departamentine silteme jasap.
Kúndizgi ýaqytta memlekettik emhanada júrgen jigittiń garderobshynyń joq ekenin paıdalanyp, baǵasy jarty mıllıon teńgeni quraıtyn tondy urlap ketkeni anyqtaldy. Odan keıin urlaǵan tondy saýda úıiniń dúńgirshine satyp jibergen.
Atalǵan qylmystyq is boıynsha «urlyq» babymen sot aldyndaǵy tergeý amaldary júrgizilýde. Kúdikti azamat óz kinásin moıyndady, onyń elorda aýmaǵynda jasalǵan osyǵan uqsas basqa qylmystarǵa qatysy tekserilý ústinde. Urlanǵan ton dúńgirshekten alynyp, ıesine qaıtaryldy.
Nur-Sultan qalasynyń polıtsııa departamenti azamattarǵa qyraǵy bolýdy keńes etedi.
