Elorda polıtseıleri 2021 jylǵy jumysyndaǵy qyzyqty epızodtardy jarııalady
Qyzyqty jáne kúlkili jaǵdaılardan quralǵan beınerolıkte balapandary bar úırekti qutqarý syndy erekshe operatsııa da qamtyldy. Elorda turǵyny «102» arnasyna júgingen. Málim bolǵanyndaı balapandary bar úırek joldy kesip óte almaı turǵan.
Qustardy qutqarý úshin polıtsııa joldaǵy kólik qozǵalysyn ýaqytsha toqtatýǵa májbúr boldy. Úırekke jany ashyǵan turǵyndar ony balapandarymen birge ustap karton qorapqa salyp, Esil ózenine jetkizip bosatyp jibergen.
Sondaı-aq, mas adamdarǵa qatysty de kóptegen qyzyqty jaǵdaı bolǵan.
Mysaly, sáýir aıynda tańerteń polıtsııa qyzmetkerleri arnaıy tehnıkany júrgizip bara jatqan mas qyzdy ustaǵan. Qyz «ZL – 30» frontal tıegishin urlap aıdap ketip, jol apatyn jasaǵan.Túnde atalǵan kóliktiń júrgizýshisi dos qyzyn úıine shaqyrady. Otyrysta er adam ishimdikke mas bolyp qalady. Sodan qyz er adamnyń uıyqtap qalǵanyn kútip, kiltin urlap alyp, júk tıegishti aıdap ketedi. Kólikti aıdap áketken hanymdy polıtseıler toqtatyp, júk tıegishti arnaıy turaqqa qoıdy.
Osyndaı jaǵdaılardyń biri Esil ózeni boıynda bolǵan, kıimsiz jaǵalaýda velosıpedpen serýendep júrgen er adam jaıaý júrginshilerdiń nazaryn ózine aýdarǵan. Belgili bolǵanyndaı ol túnde dosymen ishimdik ishkennen keıin salqyndaý úshin sýǵa túsedi, alaıda sýdan shyqqanda kıimderin tappaıdy. Tanysy onyń kıimi men zattaryn urlap ketip qalǵan.
Polıtsııa qyzmetkerleri kezekti mas júrgizýshini ustaıdy. Edáýir mas júrgizýshi qýanyshyn jasyrmaı uldy bolǵanyn aıtady. Atalǵan azamat ortasha mas kúıinde bolǵany anyqtalǵan.
Sondaı-aq, polıtseıler tık-tokerlerdi ustady. Málim bolǵanyndaı olar panoramasy keremet beınerolık túsirý úshin kópirdiń arkasyna órmelep shyqqan. Osy oraıda kýáger bolǵan adam polıtsııaǵa habarlasyp Qabanbaı batyr dańǵylynda ornalasqan kópirdiń arkasyna kóterilgeni týraly jetkizgen. Jastarmen profılaktıkalyq áńgime júrgizildi. Qala turǵyndarynyń qyraǵylyǵynyń arqasynda jastar qutqaryldy.
