Elorda perzenthanasyndaǵy analar ólimi boıynsha tergeý qorytyndysy belgili boldy

ASTANA. QazAqparat - Elordanyń densaýlyq saqtaý basqarmasy Astanadaǵy jas bosanǵan tórt ananyń ólimine qatysty tergeý jumystarynyń qorytyndysyn jarııalady, dep habarlaıdy QazAqparat tilshisi.

«Tórt ólim jaǵdaıy boıynsha respýblıkalyq komıssııa tergeýdi aıaqtady. Qorytyndy jasaldy. 3 jaǵdaı aldyn alýǵa bolmaıtyndaı, 1 jaǵdaı shartty túrde aldyn alýǵa bolatyndaı jaǵdaı retinde tanyldy», - dedi Úkimet otyrysynan keıin tilshilerge suhbat bergen Astana qalalyq qoǵamdyq densaýlyq saqtaý basqarmasyyń basshysy Kamaljan Nadyrov.

Ol shartty túrde aldyn alýǵa bolatyndaı jaǵdaı - medıtsınalyq qyzmetkerlerdiń barlyq jumysy durys oryndalǵanyn, tehnıkalyq áreketter jasalyp, osynyń bári sońǵy qorytyndyǵa áserin tıgizbegen jaǵdaı ekenin túsindirdi.

«Qazirgi ýaqytta atalmysh is boıynsha quqyq qorǵaý organdary qyzmettik tergeý júrgizip jatyr. Kimniń kináli nemese kinásiz ekenin aıtý bálkim durys bolmas. Ol jaǵdaıda ólimniń aldyn alý múmkin bolmaǵan edi», - deıdi sarapshy.

Aıta ketsek, Astanada osy jyldyń maýsym men shilde aılarynda jas bosanǵan 4 ananyń ólimi tirkelgen bolatyn.