Elorda oqýshylarynyń 65 paıyzy Almaty aýdanynda oqıdy
ASTANA. 18 aqpan. QazAqparat - Astananyń Almaty aýdanyndaǵy 5 joǵary oqý orny men 14 kolledjde 25 myń stýdent oqıdy. Al aýdannyń 43 mektebinde 49 250 oqýshy oqıdy.
Bul elordadaǵy jalpy oqýshylar sanynyń 65 paıyzy, dep habarlaıdy Astana qalasynyń resmı saıty aýdan ákimdigine silteme jasap.
2012 jyly 4 mektep aýmaǵynda (№ 16, № 29, № 32 jáne № 44) abattandyrý jumystary júrgizildi.
Aýdannyń 25 memlekettik, 21 jekemenshik (memlekettik tapsyryspen) jáne 11 (memlekettik tapsyryssyz) jekemenshik mektepke deıingi mekemelerinde 10 527 bala tárbıelenedi. Bul elordadaǵy mektepke deıingi tárbıelenetin sábılerdiń 50%-dan astamyn quraıdy.
Jyl boıyna keletin balalarǵa tıisti jaǵdaılar jasaý úshin aýmaǵy abattandyrylyp, 7 balabaqshaǵa kúrdeli jóndeý jumystary júrgizildi.
