Elorda oqýshylaryna teńge taqyrybynda ashyq sabaq ótti
ASTANA. QazAqparat - Ulttyq valıýtanyń 25 jyldyǵyna oraı «Teńge - memleket kelbeti» atty mektep oqýshylaryna ashyq sabaq ótkizildi, dep habarlaıdy QazAqparat tilshisi.
Ashyq sabaqta tól teńgeniń shyǵý tarıhy men táýelsiz elimizdiń aıryqsha belgileriniń biri ulttyq valıýtamyzdyń mańyzy sóz boldy.
«Ulttyq mýzeıde jetkenshekterge arnalǵan is-sharalar kóptep uıymdastyrylady. Sonyń biri búgingi teńge taqyrybyna arnalǵan ashyq sabaq. Mundaǵy maqsat - balalarǵa tól teńgeniń shejiresimen qatar, aqsha tek aıyrbastaý quraly emes, ol ulttyq qundylyqtardyń biri ekendigin uǵyndyrý. Oqýshylar arnaıy uıymdastyrylǵan aqshalar kórmesinde teńgemen qosa álem elderiniń aqshalaryn kórip, olardyń paıda bolý tarıhymen tanysýda», - deıdi QR Ulttyq mýzeıiniń ǵylymı kitaphana jetekshisi Tolqyn Darısh.
Ashyq sabaq barysynda uıymdastyrylǵan kórmede ortaǵasyrlyq Túrik, Túrgesh qaǵanattarynyń metall monetalary men ulttyq mýzeıdiń jeke qorynan bir ýys saf altyn tıyndar jáne álem memleketteriniń ulttyq valıýtalary da oryn alǵan.
Odan bólek, kezindegi KSRO, Chehoslavakııa,Chehııa, Nıderlandy, Frantsııa, Malaızııa elderiniń aınalymnan shyǵyp qalǵan qaǵaz jáne metall monetalary tanystyryldy.
Ulttyq mýzeı uıymdastyrǵan sharaǵa Astananyń №56, №53 mektepteriniń 7-8 synyp oqýshylary qatysty.
