Elorda oqýshylary úshin avtobýstarda jańa tarıf engizý kúni uzartyldy
ASTANA. QazAqparat - Oqýshylarǵa qoǵamdyq kólikterde júrý aqysyn qolma-qol 40 teńgeden tóleý 15 qyrkúıekke deıin uzartyldy, dep habarlaıdy QazAqparat tilshisi Astana qalasy ákimdiginiń resmı saıtyna silteme jasaı otyryp.
Mundaı sheshim ákimdikte ata-analardyń kóptegen ótinishteri boıynsha barlyq oqýshylar jeke kólik kartasyn alyp úlgermeýlerine baılanysty jasaldy, - dep habarlaıdy ákimdik.
Mektep oqýshylary úshin jol aqysyn kólik kartasymen nemese qolma-qol aqshalaı tólese de 15 qyrkúıekke deıin qalalyq marshrýttarda 40 teńge, al ekspress-marshrýttarda 90 teńgeden bolatynyn Astana qalasynyń kólik jáne jol-kólik ınfraqurylymyn damytý basqarmasy da rastady.
Buǵan deıin 1 qyrkúıekten bastap qoǵamdyq kólikterde mektep oqýshylary úshin jańa tarıf engiziletini aıtylǵan bolatyn.
