Elorda oqýshylary respýblıkalyq pánder olımpıadasynda úzdik komanda atandy
NUR-SULTAN. QazAqparat - 2018-2019 oqý jylyndaǵy jalpy bilim beretin pánder boıynsha respýblıkalyq olımpıadanyń qorytyndysy belgili boldy, dep habarlaıdy QazAqparat «Daryn» respýblıkalyq ǵylymı-praktıkalyq ortalyǵyna silteme jasap.
Respýblıkalyq olımpıada jaratylystaný-matematıkalyq baǵyttaǵy pánder boıynsha - 15-20 naýryz aralyǵynda Aqtóbe, qoǵamdyq-gýmanıtarlyq baǵyttaǵy pánder boıynsha - 25-30 naýryzda Qyzylorda qalasynda ótti.
Jaratylystaný-matematıkalyq baǵyttaǵy pánder boıynsha respýblıkalyq olımpıadaǵa bas qaladan eń úzdik 63 oqýshy qatysyp, 10 altyn, 12 kúmis, 11 qola medal ıelendi.
Qoǵamdyq-gýmanıtarlyq baǵyttaǵy pánder boıynsha 38 oqýshy baq synap, 6 altyn, 8 kúmis, 13 qola medal ıelendi.
«Respýblıkalyq olımpıada qorytyndysy boıynsha Nur-Sultan qalasynyń komandasy 16 altyn, 20 kúmis, 24 qola medal ıelenip, 13-shi márte jalpy komandalyq esepte І oryn jáne «Eń úzdik olımpıadalyq komanda - 2019» ataǵyn ıelendi»-, delingen ortalyqtyń habarlamasynda.
