Elorda nysandarynyń 85% jylytý maýsymyna daıyn – ákimdik

NUR-SULTAN. QazAqparat – Nur-Sultan qalasynyń otyn-energetıkalyq kesheni jáne kommýnaldyq sharýashylyq basqarmasy basshysynyń orynbasary Baǵdat Baısadyqov jylytý maýsymyna daıyndyq sharalary týraly málimet berdi, dep habarlaıdy QazAqparat tilshisi.

«Jylýmen qamtý júıesiniń magıstraldi jelilerin gıdravlıkalyq synaqtan ótkizý, turǵyn alaptaryndaǵy qazandyqtardy men áleýmettik nysandardyń avtonomdy jylytý kózderin daıyndaý jumystary tolyq kólemde aıaqtaldy. Qosalqy elektr stansalarǵa tehnıkalyq qyzmet kórsetý, sýmen jabdyqtaý jáne sý taratý júıesiniń búkil jelisi daıyn. Al jylý jáne elektr jeli nysandaryn kúrdeli jóndeý jumystary jalǵasyp jatyr. Bul jumystardy qyrkúıek aıynyń sońyna deıin aıaqtaý josparlanǵan. ıAǵnı, onyń jylytý maýsymynyń bastalýyna kedergisi joq», - dedi ákimdik ókili.

Basqarma ókili bilim berý, densaýlyq saqtaý nysandarynyń jylý berý maýsymyna daıyndyǵy aıaqtalý satysynda ekenin atady. «Bul baǵyttaǵy jumystardy 23 qyrkúıekke deıin aıaqtaý josparlanǵan. Turǵyn úılerdiń daıyndyǵy 85%-ǵa jetti – 2 999 úıdiń 2 557-si daıyn»,- dedi Baǵdat Baısadyqov.