Elorda nysandaryna jylý berile bastady
NUR-SULTAN. QazAqparat – Elordada 30 qyrkúıekten bastap áleýmettik jáne turǵyn nysandaryn jylý júıesine qosý sharalary bastaldy. Bul týraly Nur-Sultan ákimdiginiń otyn-energetıkalyq resýrstar bóliminiń basshysy Maqsat Esmaǵulov aıtty, dep habarlaıdy QazAqparat tilshisi.
«Bıyl jylý berý kezeńine daıyndyq boıynsha qalalyq shtab quryldy. Búginde barlyq nysandar 100 paıyzǵa daıyn tur. Ákimdik sheshimine sáıkes, 30 qyrkúıekten bastap ortalyq jylýmen qamtamasyz etý júıesine barlyq nysandardy qosý sharalary bastaldy. Budan buryn áleýmettik nysandar ótinimi boıynsha mektepterge, aýrýhanalarǵa, balabaqshalarǵa jylý berýdi bastadyq. Búginde bizde túrǵyn úı sektoryn jylýǵa qosý jumystary júrýde», - dedi M. Esmaǵulov tilshiler saýalyna jaýap bere otyryp.
Onyń aıtýynsha, úılerdi jylý berý sharalary bekitilgen rejimdik kartaǵa sáıkes júrgizilýde.
«Úılerdi ortalyq júıege qosý jumystary tıisti karta boıynsha júrip jatyr. Osy rásimderdi aǵamdaǵy aptada aıaqtaýdy josparlap otyrmyz. Jumystar qalalyq shtab kestesine saı júzege asyryldy. Ár nysan boıynsha daıyndyq pasporty berildi», - dedi ol.
M. Esmaǵulov ótken jyly jylý berý maýsymy bıylǵa qaraǵanda keshteý bastalǵanyn eske saldy.
«Búginde barlyq rásimder pysyqtaldy. Jylý berý boıynsha eshqandaı problema joq. Áleýmettik nysandardyń jartysynan astamy jylý júıesine qosyldy», - dedi ol.
