Elorda meshitterinde urlyq jasaǵan ury kameraǵa túsip qalǵan

ASTANA. QazAqparat - Elorda meshitterinde urlyq jasap júrgen ury kameraǵa túsip qalǵan, dep habarlaıdy QazAqparat Polisia.kz saıtyna silteme jasap.

Polıtsııaǵa qala turǵyny namaz oqyp jatqan kezde uıaly telefonyn urlaǵanyn aıtyp, shaǵym túsirgen.

«Er adam smartfonyn bir bólmege qýattaý úshin qoıǵan. Polıtseıler vıdeobaqylaý kamerasyn qarap, kúdiktini anyqtady. Jedel-izdestirý sharalary barysynda polıtseıler 27 jastaǵy Qostanaı oblysynyń turǵynyn ustady. Kúdikti 150 myń teńgelik telefondy alyp-satarlarǵa satyp úlgergen. Polıtseıler meshittegi taǵy eki urlyq isine qatysy baryn anyqtady», - dedi polıtsııadan.

Er adam kinásin moıyndady, urlyq jasaý faktisi boıynsha sotqa deıingi tergeý júrip jatyr. Ol ýaqytsha ustaý ızolıatoryna qamaldy.

Foto: polisia.kz