Elorda meshitinde sadaqa salatyn termınal ornatyldy

NUR-SULTAN. QazAqparat - Elordadaǵy «Áljan ana» meshitinde sadaqa salýǵa arnalǵan elektrondy termınal iske qosyldy, dep habarlaıdy QazAqparat tilshisi.

Sharaǵa Aqparat jáne qoǵamdyq damý mınıstri Dáýren Abaev, meshit ımamdary jáne Bas múftı Serikbaı qajy Oraz qatysty.

«Bul ıgi bastamany »Áljan Ana« meshitinen bastap jatyrmyz. Memleket tarapynan biz osyndaı ashyqtyqty árdaıym qoldaımyz. Bul jalpy Musylmandar dinı basqarmasynyń bedelin arttyrýda. Bul ashyqtyq pen senimdiliktiń belgisi», - dedi mınıstr Dáýren Abaev.

Bas múftı Serikbaı qajy Orazdyń aıtýynsha, elimizdiń barlyq meshitterinde osyndaı ıgi bastama kóterilip otyr. Bul qarjylyq ashyqtyqty qalyptastyrý maqsatynda jáne qolma qol qarjydan arylyp, elimizdiń meshitterinde jańa zamanaýı termınaldar ornatý úshin júrgizilip jatyr.

Aıta keteıik, elordanyń 12 meshitinde sadaqa salatyn «QIWI» elektrondyq termınaly ornatyldy. Oblys ortalyqtary men respýblıkanyń barlyq meshitterinde atalǵan termınaldardy ornatý jumysy júrgizilýde.